Nag-realize tayo ng loss sa TEL para mapalaya ang puhunan at palakihin ang ICT position. Pero habang umaakyat ang TEL at bumababa ang ICT, lumampas tayo sa sarili nating concentration ceiling—hanggang kinailangan nating magbawas at tumanggap ng panibagong loss.
Originally published: October 15, 2026 · Last updated: October 15, 2026
Links to related posts
Ang Punto ng Usapan
May presyo ang paglipat ng puhunan.
Noong October, binawasan natin ang TEL at tinanggap ang loss upang mapalaya ang natitirang capital. Bahagi ng direksiyon natin ang pagpapalaki ng ICT bilang pangunahing position sa portfolio.
Pero habang ginagawa natin ang paglipat, umakyat ang TEL at bumaba ang ICT.
Patuloy tayong nagdagdag hanggang umabot sa mahigit 70% ang ICT concentration. Pagkatapos, nagbawas tayo noong October 15 at tumanggap ng panibagong realized loss.
Ayon sa ating karanasan sa araw na iyon, umakyat naman ang presyo noong hapon matapos ang unang pagbabawas noong umaga.
Aba’y madaling manghinayang kapag ganoon ang sequence.
Pero mas kapaki-pakinabang sa atin ang mas malalim na tanong: ano ang nangyari sa allocation, paano nagbago ang ating limits, at ano ang kailangang ayusin sa proseso?
Ang Dating Paniniwala
Handa tayong tanggapin ang loss sa TEL dahil may gusto tayong gawin sa mapapalayang capital.
May paglalaanan: ICT.
Habang bumababa ang presyo, nakakita tayo ng pagkakataong magdagdag at mapababa ang average acquisition cost. Dahil may conviction tayo sa ICT, naging katanggap-tanggap sa atin ang pagpapalaki ng position.
Kasabay nito, pinag-aaralan din natin kung gaano kalaking concentration ang kaya nating dalhin.
Pero habang nadaragdagan ang shares, lumalaki ang epekto ng bawat pagbaba sa halaga ng ating holding. Ang pagtingin sa buying price at average cost ay kailangang sabayan ng pagtingin sa buong allocation.
Posibleng bumaba ang average cost habang lumalaki naman nang sobra ang exposure.
Iyon ang mas malinaw nating nakita sa aktuwal na karanasan.
Ang Binagong Pananaw
Paano nagbago ang ICT concentration ceiling natin
Hindi 60% ang orihinal na ICT concentration ceiling natin.
Sa Tatlong Mode ng Micro Harvesting, na inilathala noong May 28, 2026, ang normal allocation ay 20%–30%, may typical target na 25%, at hard ceiling na 36%, o humigit-kumulang isang-katlo ng portfolio.
Pagsapit ng ICT Stock Study 6, noong July 26, itinaas natin ang working Core Anchor target hanggang 40%.
Sa mga sumunod na unpublished analyses at discussions, pinag-aralan natin ang posibilidad na kayanin ang 50%–60% ICT concentration.
Mahalagang makilala ang pagkakaiba: ang mas mataas na allocation ay pinag-aaralan natin, pero hindi pa iyon kapareho ng malinaw na published rule na may tiyak na kondisyon at hangganan.
Ang October experiment at ang naging drift
Ngayong October 2026, nagdesisyon tayong subukan ang mas mataas na concentration, na umabot sa mahigit 70% sa ICT.
Bahagi ito ng aktuwal nating pag-explore sa Core Anchor approach. Pero habang pinalalaki natin ang position, naging maluwag ang pagitan ng dating published limits, ng exposure na pinag-aaralan, at ng aktuwal na holding.
Doon pumasok ang drift. Lumawak ang pinapayagan nating exposure habang nagpapatuloy ang pagdagdag, nang hindi kasabay na nalilinaw ang limit at kondisyon ng experiment.
Ang pagdodokumento nito ngayon ay hindi retroactive na pahintulot sa lahat ng naging desisyon. Kinikilala natin kung paano nagbago ang approach at kung saan naging kulang ang pagpapatupad ng governance.
Nakita natin sa aktuwal na position kung gaano kabigat ang mahigit 70% concentration. Kinailangan nating magbawas at tumanggap ng realized loss upang paliitin ang exposure.
Ang updated concentration ceiling as of October 15
Pagkatapos ng review, itinatakda natin ang 60%–65% bilang updated upper concentration zone ng ICT, sinusukat bilang bahagi ng total equities market value.
| Allocation reference | Updated rule |
|---|---|
| Working upper limit | 60% |
| Extended ceiling zone | Above 60% up to 65% |
| Absolute hard ceiling | 65% |
| Above 65% | Lampas sa updated limit |
Ang 65% ay maximum boundary, hindi allocation na kailangang punuin. Kailangan nating tingnan ang magiging weight pagkatapos ng anumang planong transaksiyon.
Sa October 15 closing snapshot, nasa 61.20% ang ICT concentration. Nasa loob ito ng updated extended ceiling zone, bagaman lampas sa 60% working upper limit.
Effective October 15 ang bagong baseline na ito. Hindi nito binabago ang dating published rules o ginagawang compliant ang naunang mahigit 70% exposure.
October 15: Ang governance reset ng TEL at ICT
Itinuturing natin ang October 15, 2026 bilang complete governance reset ng TEL at ICT operating cycle.
May nauna na tayong batayan sa Quarterly Reset & Capital Containment Rule, na inilathala noong January 24, 2026. Kasama sa reset ang pag-review ng allocation, pagbabawas ng sobrang laki ng positions, at paglilinis ng mixed operating logic.
Ito ang isa pang paliwanag sa ating pagbabawas: gusto nating ihinto ang patuloy na paglaki ng exposure at magtakda ng malinaw na pagtatapos sa cycle na iyon.
Sa ating governance article, scheduled at preventive ang quarterly reset. Sa October experience na ito, naging corrective ang paggamit natin ng reset at containment provisions dahil lumaki na ang concentration bago tayo nagbawas.
Ang complete reset ay nangangahulugang isinara natin ang dating operating cycle at nagtala ng bagong baseline. May natitira pa tayong TEL at ICT shares, at nananatili ang buong transaction history, kasama ang losses.
Isang taon ng Micro Harvesting
Itinatakda natin ang October 15, 2025 bilang inception date ng Micro Harvesting portfolio. Kaya ang October 15, 2026 ay first-anniversary performance evaluation at governance reset.
Nagbibigay ito ng mas malawak na konteksto sa pagsusuri. Kasabay ng pag-review sa concentration, isinasara natin ang unang taon at nagtatakda ng baseline para sa Year 2.
Pero ang mga numerong nasa post na ito ay para lamang sa TEL at ICT mula October 1–15, 2026. Kailangan ng hiwalay na annual evaluation para masukat ang buong Year 1 portfolio performance, kabilang ang lahat ng holdings, income, expenses, deposits, at withdrawals.
Paano Ito Umaandar
Ang buong October 1–15 share record
| Detalye | TEL | ICT |
|---|---|---|
| Beginning shares, October 1 | 185 | 10 |
| Shares bought, October 1–15 | 0 | 1,200 |
| Shares sold, October 1–15 | 180 | 610 |
| Ending shares, October 15 | 5 | 600 |
Sa 610 ICT shares sold, 240 ang naibenta bago October 15 at 370 ang naibenta noong October 15 bilang bahagi ng concentration reduction.
Habang binabawasan ang TEL, umaakyat ang presyo
| Petsa | Shares sold | Selling prices | Net realized gain/(loss) |
|---|---|---|---|
| October 2 | 35 | ₱1,083–₱1,084 | −₱4,804.41 |
| October 8 | 50 | ₱1,131 | −₱4,487.15 |
| October 14 | 95 | ₱1,167–₱1,184 | −₱4,252.59 |
| Total | 180 | — | −₱13,544.15 |
Gumanda ang selling prices sa mga kasunod na bentahan. Pero mas mababa pa rin ang net proceeds kaysa sa cost ng shares na ibinenta.
Napalaya natin ang ₱205,385.48 net sale proceeds mula sa TEL. Naging bahagi iyon ng capital na magagamit sa reallocation, bagaman hindi TEL proceeds lamang ang pinanggalingan ng lahat ng ICT purchases.
Nagsara ang TEL sa ₱1,200 noong October 15. Limang shares na lamang ang natitira sa atin.
Ang hindi na pagsabay ng naibentang shares sa kasunod na pag-akyat ay opportunity cost. Hindi iyon dagdag na booked loss, pero bahagi iyon ng naging kapalit ng paglipat.
Ang ICT na pinalaki natin ay binawasan din
Mula sa 970 shares bago ang October 15 reduction, nagbenta tayo ng 370:
| Selling price | Shares sold |
|---|---|
| ₱801.50 | 170 |
| ₱816.00 | 50 |
| ₱818.00 | 50 |
| ₱820.00 | 50 |
| ₱828.50 | 50 |
| Total | 370 |
Nakakuha tayo ng ₱299,193.48 net proceeds, kapalit ng ₱25,434.67 net realized loss sa October 15 sales.
Nabawasan ng 38.14% ang bilang ng ICT shares, mula 970 tungong 600.
Sa ating trading recollection, nagbawas tayo noong umaga at umakyat ang presyo noong hapon. Ang unang 170 shares ay naibenta sa ₱801.50, habang mas mataas ang iba pang executions sa araw na iyon. Nagsara ang ICT sa ₱820.50.
Natural ang panghihinayang. Pero ang batayan ng pagbabawas noon ay ang laki ng exposure at ang pangangailangang mag-reset.
Ang morning-to-afternoon sequence ay mula sa ating recollection. Hindi na natin ibinigay ang execution timestamps sa transaction workbook; daily charts ang kalakip.
Ang ending record at reset baseline
| Detalye | TEL | ICT |
|---|---|---|
| Ending shares, October 15 | 5 | 600 |
| Closing market price | ₱1,200.00 | ₱820.50 |
| Average net cost per share | ₱1,216.2760 | ₱877.3734 |
| Net realized gain/(loss), October 1–15 | −₱13,544.15 | −₱26,711.95 |
| Ending unrealized gain/(loss), as reported | −₱105.08 | −₱36,068.63 |
| Ending % UPL | −1.73% | −6.85% |
Ang reported unrealized figures ay gumagamit ng account valuation na may estimated selling charges, kaya hindi sila simpleng gross closing value minus acquisition cost.
Ang retained shares ay nagpapatuloy sa kanilang recorded acquisition costs. Ang governance reset ay hindi pagbura ng historical cost o realized losses.
Ang realized at unrealized loss ng ICT
| Detalye | Amount |
|---|---|
| Net realized loss, October 1–15 | ₱26,711.95 |
| Ending unrealized loss sa 600 shares | ₱36,068.63 |
| Combined realized at unrealized loss | ₱62,780.58 |
Magkasama nating tinitingnan ang resulta ng mga bentahan at ang kalagayan ng natitirang holding.
Kapag unrealized loss lamang ang binasa, hindi makikita ang losses na tinanggap na sa naibentang shares. Hindi rin buong recovery ang pagbawas sa unrealized loss pagkatapos magbenta; bahagi nito ay naging realized loss na.
Ang kabuuang losses na saklaw ng review
| Detalye | TEL at ICT combined |
|---|---|
| Net realized losses, October 1–15 | ₱40,256.10 |
| Ending unrealized losses, October 15 | ₱36,173.71 |
| Combined realized at unrealized losses | ₱76,429.81 |
Ito ang pinagsamang losses sa mga bentahan sa period at sa natitirang holdings as of October 15.
Hindi natin ituturing ang buong halaga bilang dagdag na gastos na nilikha ng rebalancing. May losses na dala na ng beginning holdings. Para masukat ang mismong epekto ng paglipat, kailangan ang opening valuation at malinaw na comparison sa alternatibong allocation.
Kasama na sa recorded net proceeds at assigned costs ang applicable transaction charges. Hindi natin idaragdag muli ang parehong fees sa net realized losses.
Ang opportunity cost ng TEL ay hiwalay ding paghahambing, hindi isa pang booked loss na basta idadagdag sa total.
Worth it ba ito at mababawi pa?
Hanggang October 15, hindi pa natin naipapakitang naging sulit ang paglipat sa usaping returns.
Nag-realize tayo ng loss sa TEL para palakihin ang ICT, pagkatapos ay nag-realize rin tayo ng loss sa ICT upang paliitin ang exposure.
May malinaw na layunin ang reset: maibalik ang kontrol sa allocation at makapagpatuloy gamit ang mas malinaw na rules. Pero ang benepisyong iyon ay kailangang makita sa mga susunod nating desisyon.
Posible pang makabawi, pero walang garantiya kung kailan o kung gaano kalaki.
Kung bumalik ang ICT sa average cost, maaaring mawala ang unrealized loss sa retained shares, subject sa selling charges. Hindi nito awtomatikong binubura ang realized losses. Kailangang tumbasan ang mga iyon ng future net gains o dividends.
At kahit gumanda ang resulta sa hinaharap, kailangan pa ring balikan ang proseso na nagdala sa atin sa sobrang concentration.
Aligned pa ba sa Micro Harvesting, o nag-drift na tayo?
May drift sa pagbuo ng position; ang October 15 reset ang naging hakbang natin para ibalik ang execution sa governance.
Pinapayagan ng ating approach ang Core Anchor concentration at layered averaging. Pero naging maluwag ang pagbabago ng allocation limits habang patuloy tayong nagdadagdag.
Ngayon, malinaw na ang updated rule: 60% working upper limit, extended zone hanggang 65%, at 65% absolute hard ceiling, effective October 15.
Ang susunod na patunay ng alignment ay ang consistent na pagsunod dito. Hindi sapat ang pagdeklara ng bagong ceiling kung palalawakin din natin iyon tuwing gustong magdagdag.
Ang dry powder pagkatapos ng reset
As of October 15, mayroon tayong ₱139,145.33 na available buying power o dry powder.
May pagpipilian pa tayo: maghintay, pag-aralan ang muling pagpasok sa TEL, o suriin ang posibleng ICT entry kung bumaba pa ang presyo.
Sa 61.20% ICT weight, nasa extended ceiling zone na tayo. Anumang dagdag ay kailangang suriin batay sa magiging allocation pagkatapos bumili, kasama ang epekto sa natitirang buying power.
Ang 65% ceiling ay hindi target na kailangang punuin. May halaga rin ang pagpapanatili ng puwang para sa susunod na pagkakataon.
| TEL daily chart as of October 15, 2026. Nagsara sa ₱1,200 habang limang shares na lamang ang natitira sa aming holding. |
| ICT daily chart as of October 15, 2026. Nagsara sa ₱820.50 matapos naming bawasan ang holding mula 970 tungong 600 shares. |
Chart note: Ang charts, closing prices, at ending positions ay as of October 15, 2026. Ang transaction analysis ay sumasaklaw sa October 1–15.
Pangwakas na Kaisipan
Sa loob ng kalahating buwan, binawasan natin ang TEL, pinalaki ang ICT, sinubukan ang mahigit 70% concentration, at pagkatapos ay nagbawas nang lugi.
Bahagi iyon ng unang taon ng ating Micro Harvesting journey. Kasama sa record ang naging resulta at ang pagkukulang sa pagpapatupad ng limits.
Ang October 15 reset ay nagtakda ng pagtatapos sa operating cycle na iyon at bagong baseline para sa Year 2. May retained holdings, may losses na tinanggap, at may buying power na maaari pang gamitin.
Aba’y ang mahalaga ngayon ay kung paano tayo kikilos mula rito.
Ang susunod na deployment ay kailangang magkasya sa governance natin—kasama ang position size, concentration ceiling, at capital na nais nating mapanatiling available.
AI Use Note: We may use AI to help prepare visuals, organize ideas, or edit wording. The experiences, decisions, and opinions shared in this post are ours. We review the final content before publishing.
Shariah Compliance Advisory (Updated September 9, 2026)
The Philippine Stock Exchange (PSE) has officially confirmed that it has ceased publishing its list of Shariah-compliant securities.
In November 2025, the PSE informed Micro Stock Trader that its Shariah initiative had been temporarily paused for an internal evaluation. In a subsequent email dated September 9, 2026, the PSE clarified:
“Please be informed that PSE has officially ceased publication of Shariah-compliant securities.”
Accordingly, Micro Stock Trader will continue applying a conservative, independently screened approach to its halal-focused investment strategies, in shā’ Allāh. This screening forms part of our personal portfolio governance and does not constitute an official Shariah certification or religious ruling.
Ang aming mga post ay bahagi ng personal learning journey ng Micro Stock Trader sa securities analysis, portfolio management, at capital markets. The information, strategies, frameworks, and examples presented are for educational and documentation purposes only. They reflect our personal methodologies and experiences, do not constitute investment advice, and do not guarantee future performance.
Any discussion of interest-based instruments, conventional bonds, preferred shares, or other financial arrangements is provided solely for academic and analytical context—not as a recommendation or endorsement. Readers should perform their own due diligence and consult qualified financial professionals before making investment decisions.
Home | About Us | Contact Us | Privacy Policy | Terms of Use | Disclaimer
